Ինչու՞ է պետք ապահովագրել բեռնափոխադրումը:

Ցանկացած բեռնափոխադրում ուղղակիորեն կապված է անկանխատեսելի կորուստներ կրելու ռիսկի հետ: Հենց ապահովագրությունն է, որ կոչված է վստահորեն պաշտպանել Ձեր շահերը` կապված բեռների կորուստի կամ վնասման հետ:

Ի՞նչ բեռներ է կարելի ապահովագրել:

«ԻՆԳՈ ԱՐՄԵՆԻԱ»-ն ապահովագրության է ընդունում ցանկացած տեսակի բեռ:

Ինչի՞ց կարելի է ապահովագրվել:

Բեռների ապահովագրությունն իրականացվում է համընդհանուր ընդունված ապահովագրության պայմաններով, որոնք կազմված են Լոնդոնյան Ապահովագրողների Ինստիտուտի (ILU) կողմից, և որոնք անգլերեն կոչվում են «Institute Cargo Clauses» (A), (B) և (C). Ի լրումն ընդհանուր պայմաններին, ապահովագրական ծածկույթը կարող է ընդլայնվել և ծածկել հատուկ ռիսկեր` ներառյալ պատերազմական գործողությունները, գործադուլ, բեռների հետ աշխատանքների ընթացքում բեռի վնասման կամ կորստի ռիսկը, բեռնափոխադրման ընթացքում միջանկյալ պահեստավորման ռիսկերը:

Ապահովագրության պայմաններում ներառվող ապահովագրվող ռիսկերը.

Institute Cargo Clauses (A), (բոլոր ռիսկերը)

Ապահովագրությունը ծածկում է «բոլոր ռիսկերը», որոնք կապված են բեռի վնասման կամ կորստի հետ` բացի ընդհանուր բացառություններից: «Բոլոր ռիսկերը» հասկացությունը ներառում է «հանկարծակի կորուստները», բացառությամբ «անխուսափելի կորուստներից».

Institute Cargo Clauses (B), (ընդլայնված հիմնական ապահովագրություն)

Ի տարբերություն (А) դրույթի, (B) և (С) դրույթները կոնկրետ թվարկում են ծածկվող ռիսկերը: Ապահովագրությունը  ծածկում է բեռնափոխադրվող գույքի վնասը կամ կորուստը, որը (C) դրույթում թվարկվող իրադարձությունների և հետևյալ ռիսկերի հետևանք է.

• Կայծակ, երկրաշարժ, ձնաբուք և հրաբխի ժայթքում:
• Ցամաքային տրանսպորտի հետ բախում, երկաթուղային գծերից շեղում, ջրային տրանսպորտի խորտակում:
• Ծովային, լճային, գետային ջրերի նավ, ավտոմեքենա, կոնտեյներ, պահեստ կամ պահեստային տարածք ներթափանցում
• Փաթեթավորման ցանկացած տիպի վնաս` լիարժեք կամ կոնստրուկտիվ, հետևաբար ցանկացած տիպի վնաս ջրային, ցամաքային կամ այլ տրանսպորտային միջոցից բեռնային աշխատանքների կատարման ընթացքում:

Institute Cargo Clauses (C), «Բազային ապահովագրություն»

Ապահովագրությունը ծածկում է բեռնափոխադրվող գույքի վնասը, կամ կորուստը, որը առաջացել է.

• Հրդեհից և պայթյունից,
• Օդային կամ ջրային տրանսպորտային միջոցի ծանծաղուտի մեջ ընկնելու, վայր ընկնելու կամ խորտակվելու հետևանքով,
• Ցամաքային տրանսպորտային միջոցի վթարից կամ երկաթուղային գծերից շեղումից,
• Օդային կամ ջրային տրանսպորտային միջոցի, ինչպես նաև բեռի ցանկացած արտաքին առարկայի հետ հպումից` բացառությամբ ջրի հետ հպումից:
• Աղետի վայրի նավահանգիստ բեռնաթափման հետևանքով,
• Փրկարարական աշխատանքների ժամանակ վնասման կամ ծախսերի հետանքով (մահացության առկայության դեպքում),
• Բեռի նավից դուրս նետման հետևանքով:

Ապահովագրության տարածք

Ապահովագրական ծածկույթը գործում է աշխարհի բոլոր երկրների տարածքում ցանկացած տեսակի տրանսպորտային միջոցով բեռնափոխադրման համար:

Ապահովագրական գումար (հատուցման առավելագուն սահմանաչափ)

Ապահովագրողի պատասխանատվության  չափի (ապահովագրական արժեքի և ապահովագրական գումարի) որոշումը  շատ կարևոր է, քանի որ ապահովագրական պատահարի առաջանալու դեպքում ապահովագրական հատուցումը իրականացվում է հաշվի առնելով հենց այս գումարները: Այդ իսկ պատճառով «ԻՆԳՈ ԱՐՄԵՆԻԱ»-ն հաճախորդների ցանկությամբ ապահովագրական արժեքի մեջ ներառում է բոլոր փաստաթղթորեն հաստատված ծախսերը, որոնք անհրաժեշտ են բեռնափոխադրման իրականացման համար: Օրինակ.

• Բեռնափոխադրման ծախսեր,
• մաքսային հարկեր,
• զինված ուղեկցության հետ կապված ծախսեր և այլն:

Ապահովագրելու հնարավորությունները.

Անկախ այն բանից Դուք ցանկանում եք ապահովագրել առանձին վերցրած բեռնափոխադրում, թե կանոնավոր բեռնափոխադրումներ` մեր մասնագետները կօգնեն Ձեզ ընտրել ամենաօպտիմալ ապահովագրական ծածկույթը, որը առավելագույնս կհամապատասխանի Ձեր նախատեսված բյուջեին:

Առանձին մեկ բեռնափոխադրման համար մենք կկազմենք միանգամյա վկայագիր, որը հնարավորություն է տալիս վճարելու ապահովագրավճարը 5 (հինգ) բանկային օրվա ընթացքում: Այսպիսով, բեռը կարող է փոխադրվել հենց ապահովագրության վկայագրի կազմման օրը:

Գլխավոր վկայագիրը կազմվում է կանոնավոր բեռնափոխադրումների ապահովագրության դեպքում և այն ունի մի շարք առավելություններ, որոնք են`

• Կանոնավոր բեռնափոխադրումների ապահովագրության սակագները ավելի ցածր են, քան առանձին բեռնափոխադրման ապահովագրության սակագները,
• Բեռների ապահովագրության դիմումի հարմար ձև,
• Ապահովագրավճարի վճարման հարմար համակարգ:

Ի՞նչ արժե ապահովագրության վկայագիրը:

Դուք կարող եք ստանալ ապահովագրավճարի արագ հաշվարկ` լրացնելով դիմում-հարցաթերթիկը և ուղարկելով այն հետևյալ էլեկտրոնային հասցեով. cargo@ingoarmenia.am

Հետաքրքիր տեղեկատվություն բեռների սեփականատերերի համար