Order
Անհատներ Իրավաբանական անձինք
ԱՋԱԿՑՈՒԹՅԱՆ ԱՊԱՀՈՎԱԳՐՈՒԹՅՈՒՆ

Բազմաթիվ ընկերություններ հաճախ կանգնում են այնպիսի խնդիրների առջև, ինչպիսին արտասահման գործուղման ժամանակ աշխատակիցների շահերի և առողջության պահպանումն է: «ԻՆԳՈ ԱՐՄԵՆԻԱ»-ն հնարավորություն է ընձեռում ապահովագրելու Ձեր աշխատակիցներին` արտասահման գործուղման ժամանակ: Դուք ընտրում եք ժամանակահատվածը, որի ընթացքում ցանկանում եք ապահովագրել Ձեր աշխատակիցներին, իսկ մենք Ձեզ տրամադրում ենք հուսալի ապահովագրական պաշտպանվածություն` տարբեր տեսակի անկանխատեսելի իրավիճակներից աշխարհի ցանկացած կետում:

Ո՞վ կարող է ապահովագրվել:

Մինչև 85 տարեկան ընկերության աշխատակիցները, նրանց ընտանիքի անդամները (երեխաներ, կին/ամուսին, ծնողներ):

Ինչ՞ից կարելի է ապահովագրվել:

Կախված Ձեր կողմից ընտրված ծրագրից` ապահովագրության պայմանագիրը կարող է ներառել.

  • բժշկական ծախսերի ապահովագրություն
  • բժշկատրանսպորտային ծախսերի ապահովագրություն
  • հետմահու ռեպատրացիայի հետ կապված ծախսերի ապահովագրություն
  • օգնության կազմակերպման հետ կապված ծախսեր
  • տրանսպորտային ծախսերի ապահովագրություն
  • իրավաբանական խորհրդատվության կազմակերպում
  • սիրողական սպորտով զբաղվելիս հասված վնասվածքների հետ կապված ծախսերի ապահովագրություն
  • ուղեբեռի կորստի կամ վնասման հետ կապված ծախսերի ապահովագրություն
  • քաղաքացիական պատասխանատվության ապահովագրություն

Հատուցման սահմանաչափ

Շենգենյան երկրների համար հատուցման սահմանաչափը որոշվում է համաձայն պարտադիր նորմերի և ընդունված եվրոպական ցուցումների:

  • 30 000 Եվրո – հատուցման ստանդարտ սահմանաչափ Շենգենյան երկրների համար` բացառությամբ Ֆրանսիայի
  • 50 000 Եվրո – հատուցման ընդլայնված սահմանաչափ Շենգենյան երկրների համար` ներառյալ Ֆրանսիան

Աշխարհի մնացած երկրների համար` կախված հաճախորդի ցանկությունից կարող են տրամադրվել հետևյալ պատասխանատվության սահմանաչափերը.

  • 30 000 Եվրո
  • 50 000 Եվրո
  • 50 000 ԱՄՆ դոլար
  • 15 000 ԱՄՆ դոլար

«ԻՆԳՈ ԱՐՄԵՆԻԱ» ԱՓԲԸ առավելությունները.

  • Գործում է զեղչերի ճկուն համակարգ, որը հատուկ մշակվել է հաշվի առնելով իրավաբանական անձանց գործունեության բնույթը:
  • Մեր վկայագիրը ընդունվում է աշխարհի բոլոր հյուպատոսական ծառայությունների կողմից և նպաստում է մուտքի արտոնագրերի հետ կապված խնդիրների լուծմանը:
  • Զանգահարելով մեր գործընկեր «Էքսպրես Ասիստ Կենտրոն»-ի շուրջօրյա գործող հեռախոսահամարներով` Դուք կստանաք մանրամասն և որակյալ խորհրդատվություն ցանկացած սթրեսային վիճակում: Մեր գործընկերները կօգնեն Ձեզ առաջին օգնության և հետագա բուժման կազմակերպման գործում:
  • Ապահովագրության պայմանագիրը կարող է հեշտությամբ վերաձևակերպվել այլ ժամկետով, իսկ ուղևորության հետաձգման դեպքում` դադարեցվել:
Ուղևորության ապահովագրության դիմում հարցաթերթիկ

40.56 KB
Թարմացված է`   2015-01-23 06:01

Մեր գործակալները

Մարզեր:
Հայերեն, ռուսերեն և անգլերեն լեզուներով ներկայացված տեղեկատվության միջև անհամապատասխանության դեպքում առաջնորդվել հայերեն տարբերակով: