«ԻՆԳՈ ԱՐՄԵՆԻԱ» Ապահովագրական ընկերությունը, հանդիսանալով ՀՀ ապահովագրական դաշտի համակարգային օղակներից մեկը, գիտակցում է իր կորպորատիվ պատասխանատվությունը ոչ միայն ապահովագրության ոլորտի կայացման գործում, այլև մեր երկրի և հասարակության զարգացման ընդհանուր համատեքստում:

Ընկերությունը իր գործունեության ողջ ընթացքում ակտիվ մասնակցություն է դրսևորում կրթական, մշակութային և սոցիալական նշանակության մի շարք ծրագրերում:

Կրթական ծրագրեր

Լսարան տնտեսագիտական համալսարանում

Ընկերությունը 2008թ.-ին լիովին վերանորոգել, կահավորել և համակարգչային տեխնիկայով ապահովել է Հայաստանի Պետական Տնտեսագիտական Համալսարանի ֆինանսական ֆակուլտետի լսարաններից մեկը: Ներկայումս լսարանը հանդիսանում է ՀՊՏՀ-ի ապահովագրության ամբիոնի բազային լսարանը:

Ուսանողների վերապատրաստման ծրագրեր

Ընկերությունը ակտիվ համագործակցում է ՀՀ-ում գործող մի շարք պետական և մասնավոր ԲՈՒՀ-երի (ՀՊՏՀ, ԵՊՀ, ՌՀՀ, ՀՊԱՀ, Ֆրանսիական Համալսարան Հայաստանում և այլն) հետ ուսանողների վերապատրաստման ծրագրերի շրջանակներում: Ընկերությունում ցանկացած պահի վերապատրաստում են անցնում մեկ տասնյակից ավելի 2-4-րդ կուրսի ուսանողներ, որոնց հետագայում հնարավորություն է տրվում համալրել Ընկերության երիտասարդ մասնագետրների շարքը:

Անվանական կրթաթոշակներ

Ընկերությունը պարբերաբար սահմանում է ՀՀ գործող ԲՈՒՀ-երի տնտեսագիտական մասնագիտացում ունեցող լավագույն ուսանողների համար անվանական կրթաթոշակներ, ֆինանսավորում է ուսուցման ծախսերի մի մասը, հայտարարում է լավագույն աշխատության մրցույթներ, որոնց հաղթողները ստանում են դրամական մրցանակներ և ընկերությունում աշխատելու առաջարկ:

Մշակութային ծրագրեր

Տաթևի վանքի դռան վերականգնում

Ընկերությունը, 2009 թ.-ին հատկացնելով 3.600.000 դրամ, վերականգնեց 1614թ-ին կառուցված Տաթևի վանքի դուռը, որը հանդիսանում է Հայաստանի Հանրապետության մշակութային արժեքներից մեկը:

Մեծ Եղեռնին նվիրված ցուցահանդեսի նկարների ապահովագրություն

2010 թ. Ընկերությունը հովանավորության սկզբունքով ապահովագրել է իտալացի նկարիչ Անսելմո Ֆրանչեսկոնիի կտավների Հայաստան տեղափոխումը և ցուցադրումը: Ցուցահանդեսը, որը անցկացվեց Հայաստանի ազգային պատկերասրահում, նվիրված է հայոց Մեծ Եղեռնի զոհերի հիշատակի 95-րդ տարելիցին: