/Երաշխիքների և Պարտավորությունների միջազգային ցանց/

«ԻՆԳՈ» միջազգային ապահովագրական խումբը հիմնադրվել է 2004թ. Հելսինկիում: «ԻՆԳՈ» խմբի մեջ մտնում են ապահովագրական ընկերություններ աշխարհի տարբեր երկրներից, որոնց բաժնետոմսերի հիմնական մասը պատկանում է ռուսական խոշորագույն «Ինգոսստրախ» ապահովագրական ընկերությանը, վերջինս  նաև "ԻՆԳՈ ԱՐՄԵՆԻԱ"-ի  75% բաժնետերն է:

Այն ընկերությունները, որոնք ներգրավված են խմբում, պարտավորվում են իրականացնել համաձայնեցված ապահովագրական, վերաապահովագրական, ներդրումային քաղաքականություն, համաձայնեցնել գործունեության այլ ոլորտներ (բիզնես պլանավորում և այլն)` ձգտելով կատարելագործել ապահովագրական գործառույթները և հաստատել մատուցվող ծառայությունների որակի ընդհանուր ստանդարտներ:

«ԻՆԳՈ» խումբը բաց է բոլոր այն կազմակերպությունների համար, ովքեր ցանկանում են անդամակցել կամ համագործակցել խմբի հետ:

"ԻՆԳՈ ԱՐՄԵՆԻԱ" ընկերությունը 2004թ-ից հանդիսանում է “ԻՆԳՈ” (International Network of Guarantees and Obligations) խմբի լիարժեք անդամ:

Խմբի   կազմում ընդգրկված են այնպիսի հեղինակավոր ընկերություններ, ինչպիսիք են`

• “Ինգոսստրախ” ԱԲԲԸ -Ռուսաստան
• “ԻնգոՆորդ” ԱԲԸ -Ֆինլանդիա
• “Գարանտ” ԱԲԸ -Ավստրիա,Շվեյցարիա
• “ԲելԻնգոսստրախ” ԱՓԲԸ -Բելառուս
• “Կիրգիզինստրախ” ԱԲԸ -Ղրղզստան
• “ԻՆԳՈ ԱՐՄԵՆԻԱ” ԱՓԲԸ -Հայաստան
• “ԻՆԳՈ ՈՒկրաինա” ՓԲԸ -Ուկրաինա
• “ԻՆԳՈ Լայֆ”  -Ռուսաստան
• “Սոֆագ”-Գերմանիա, Ավստրիա, Մեծ Բրիտանիա
• “Ինգո Ուզբեկստան”- Ուզբեկստան

Ներկայացուցիչներ` Չինաստանում և Հնդկաստանում:

Խմբի մեջ ներգրավված ընկերությունների ֆինանսական աուդիտն իրականացնում է “Ernst & Young Audit” ընկերությունը:

"ԻՆԳՈ" խմբի ընդհանուր կանոնադրական կապիտալը կազմում է շուրջ 2,5 մլրդ ԱՄՆ դոլար, իսկ ակտիվների ծավալները հասնում են շուրջ 10 մլրդ ԱՄՆ դոլարի: