ԱՊՊԱ-ի Անհրաժեշտ նյութեր 

Ապահովագրական գործակալի մասնագիտությունը

Ապահովագրական գործակալների նախապատրաստական դասընթացներ

Գործակալի գրանցումը ՀՀ Կենտրոնական Բանկում

Գործակալի գրադարան

Գործակալի հարցաթերթիկ (գրանցվելու համար)

Ներկայիս տնտեսական պայմաններում ապահովագրական գործակալի մասնագիտությունը հանդիսանում է ամենապահանջված և հեռանկարային մասնագիտություններից մեկը: Այն հնարավորություն է ընձեռում ինքնուրույն կառավարել սեփական աշխատաժամանակը և եկամուտները, ինքնուրույն մշակել սեփական ռազմավարական ծրագրերը, որոնք առավելագույնս կհամապատասխանեն սեփական պահանջմունքներին և ցանկություններին: Աշխատանքի ճիշտ և գրագետ կազմակերպման արդյունքում գործակալի աշխատանքը վերածվում է բիզնեսի, որտեղ գործակալն ինքն է ներգրավում այլ գործակալների և ձևավորում խումբ, որը կարճ ժամանակահատվածում իրագործելի է դարձնում նախկինում անհնարին թվացող ծրագրերը և ցանկությունները: Այս պարագայում արդեն Ձեր առջև բացվում են նոր հնարավորություններ` իրականություն դարձնել բոլոր մտահղացումները, քանի որ Ձեր կողքին միշտ կանգնած է հզոր գործընկեր` Ապահովագրական ընկերությունը:

ԱՊՊԱ ոլորտն, օրինակ իդեալական տնտեսական միջավայր է գործակալների համար, որտեղ հնարավորություն ունեն սեղմ ժամկետներում գրանցել շոշափելի արդյունքներ, առավել ևս, եթե գործակալը ներկայացնում է հզոր ապահովագրական ընկերություն:

Ունենալով Հայաստանի ամենալայն գործակալական ցանցը և ամենաերկարատև փորձը շուկայում` «ԻՆԳՈ ԱՐՄԵՆԻԱ»-ն ողջունում է համագործակցության ցանկություն ունեցող անձանց և կազմակերպություններին:

Համագործակցելով «ԻՆԳՈ ԱՐՄԵՆԻԱ»-ի հետ Դուք կստանաք.

Ուսուցում և մասնագիտացում:  «ԻՆԳՈ ԱՐՄԵՆԻԱՆ» իր գործակալների համար պարբերաբար կազմակերպում է անվճար դասընթացներ, որի ժամանակ ընկերության գործակալները ուսումանսիրում են ապահովագրության տեսությունը, զարգացման պատմությունը, ծանոթանում են ընկերության առաջարկներին և ստանում են այն անհրաժեշտ տեղեկությունները, որն առօրյա աշխատանքի ընթացքում կնպաստի բարձր ցուցանիշների արձանագրմանը:

Կայունություն և փոխադարձ վստահություն: 

Գործունեության ավելի քան 14 տարիների ընթացքում «ԻՆԳՈ ԱՐՄԵՆԻԱՆ» արձանագրել է միայն դրական ցուցանիշներ և հայրենական ապահովագրական շուկայում դարձել է առաջատար, որն իհարկե անդարդառնում է Ընկերության  գործակալների վրա` առօրյա գործունեության ընթացքում վստահություն զգալու տեսանկյունից:

Ընկերության հեղինակությունը Ձեզ հնարավորություն կընձեռի առավել հեշտ կնքել գործարքներ, իսկ Ընկերության հատուցումներ վճարելու քաղաքականությունը միշտ կօգնի Ձեզ պատվով դուրս գալ դժվարին իրավիճակներից:

Առաջխաղացում և զարգացում: 

«ԻՆԳՈ ԱՐՄԵՆԻԱ»-ի մշակած գործակալական համակարգը հնարավորություն կտա Ձեզ կարճ ժամանակում դառնալ գլխավոր գործակալ և ղեկավարել ընկերության ռազմավարական ծրագրի ոլորտներից մեկը: