ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻ ՕԳՏԱԳՈՐԾՈՒՄԻՑ ԲԽՈՂ ՊԱՏԱՍԽԱՆԱՏՎՈՒԹՅԱՆ ՊԱՐՏԱԴԻՐ ԱՊԱՀՈՎԱԳՐՈՒԹՅՈՒՆ

2011 թվականի հունվարի 1-ից Ձեր ավտոմեքենան շահագործելու համար պետք է ունենաք պատասխանատվության պարտադիր ապահովագրության պայմանագիր (ԱՊՊԱ պայմանագիր):
Այն ամենն, ինչ կարող են պահանջել երրորդ անձինք որպես Ձեր տրանսպորտային միջոցի շահագործման հետևանքով պատճառված վնասի հատուցում, կարելի է ապահովագրել ԻՆԳՈ ԱՐՄԵՆԻԱ ապահովագրական ընկերությունում:

–  Ի՞ՆՉՆ Է ԵՆԹԱԿԱ ՊԱՐՏԱԴԻՐ ԱՊԱՀՈՎԱԳՐՄԱՆ

ԱՊՊԱ պայմանագիրը պարտադիր է բոլոր անիվավոր տրանuպորտային միջոցների համար, այդ թվում`

• մարդատար ավտոմոբիլներ
• ավտոբուսներ, միկրոավտոբուսներ
• բեռնատարներ
• մոտոցիկլետներ
• քարշակներ
• տրոլեյբուսներ

–  Ո՞Վ ԿԱՐՈՂ Է ԿՆՔԵԼ ԱՊՊԱ ՊԱՅՄԱՆԱԳԻՐ

• Տնօրենը
• Տնօրենի կողմից լիազորված անձ

–  Ո՞Ր ՎՆԱՍՆԵՐՆ ԵՆ ԵՆԹԱԿԱ ՀԱՏՈՒՑՄԱՆ

ԱՊՊԱ պայմանագրով ապահովագրվում են այն վնասները, որոնք առաջացել են սեփական տրանսպորտային միջոցի օգտագործումից մյուս` տուժող կողմին, պատճառված հետևյալ վնասներից.

• անձնական վնասներ` տուժողի առողջությանը պատճառված վնասներ և դրանց հետևանքով կորցրած աշխատավարձ (եկամուտներ), ինչպես նաև տուժողի մահ
• տուժողի գույքին պատճառված վնասներ:

–  Ո՞ՐՔԱՆ Է ԿԱԶՄՈՒՄ ՀԱՏՈՒՑՄԱՆ ԱՌԱՎԵԼԱԳՈՒՅՆ ՉԱՓԸ

ԱՊՊԱ պայմանագրով հատուցման առավելագույն չափը մեկ ապահովագրական պատահարի համար.

• անձնական վնասների համար կազմում է 3,300,000 ՀՀ դրամ, սակայն ընդհանուր ոչ ավել, քան 10,000,000 ՀՀ դրամը,
• գույքին պատճառված վնասների համար` 1,800,000 ՀՀ դրամ:

–  Ո՞ՐՔԱՆ Է ԿԱԶՄՈՒՄ ԱՊԱՀՈՎԱԳՐԱՎՃԱՐԸ

ԱՊՊԱ պայմանագրի ապահովագրավճարի չափը կախված է հետևյալ գործոններից.

• Տրանսպորտային միջոցի տեսակը (մարդատար, բեռնատար և այլն)
• Տրանսպորտային միջոցի շարժիչի հզորությունը
• Տրանսպորտային միջոցի օգտագործման նպատակը (անձնական, ծառայողական, տաքսի և այլն)
• Պայմանագրի ժամկետը
•  Բոնուս-Մալուս դասը:

Ձեր ԱՊՊԱ պայմանագրի ապահովագրավճարի չափը կարող եք հաշվարկել ԱՊՊԱ հաշվիչի միջոցով:

 Ի՞ՆՉ ԱՆԵԼՙ ԵԹԵ ԱՊՊԱ ՊԱՅՄԱՆԱԳՐՈՎ ՀԱՏՈՒՑՈՒՄԸ ՉԻ ԲԱՎԱԿԱՆԱՑՆՈՒՄ ՎՆԱՍՆ ԱՄԲՈՂՋՈՒԹՅԱՄԲ ՀԱՏՈՒՑԵԼՈՒ ՀԱՄԱՐ

 Նախօրոք ձեռք բերեք ավտոտրանսպորտային միջոցների օգտագործումից բխողպատասխանատվության կամավոր ապահովագրության (ԱՊԿԱ) պայմանագիրը: ԻՆԳՈ ԱՐՄԵՆԻԱ-ի ԱՊԿԱ պայմանագիրը կհատուցի ԱՊՊԱ պայմանագրով սահմանված հատուցման առավելագույն չափը գերազանցող վնասները:

ՀԱՏՈՒՑՄԱՆ ՕՐԻՆԱԿ 

– Ի՞ՆՉ ԱՆԵԼՙ ԵԹԵ ՃՏՊ-Ի ԺԱՄԱՆԱԿ ՎՆԱՍՎԵԼ Է ՍԵՓԱԿԱՆ ՄԵՔԵՆԱՆ

ԱՊՊԱ պայմանագրով հատուցում ստանում է տուժող կողմը: Եթե վթարը տեղի է ունեցել Ձեր մեղքով, և Ձեր մեքենան ևս վերանորոգելու կարիք կա, ապա օգնության կգա ԿԱՍԿՈ ապահովագրության պայմանագիրը: 

«ԻՆԳՈ ԱՐՄԵՆԻԱ»-Ի ԱՌԱՎԵԼՈՒԹՅՈՒՆՆԵՐԸ

• Պայմանագրի ձեռք բերման առավել պարզ բանաձև, 
• Անհատական մոտեցում յուրաքանչյուր հաճախորդին,
• Հիմնական և հավելյալ ռիսկերի ու ծառայությունների համախմբում,
• Արագ և որակյալ սպասարկում,
• Ավելի քան 200 վաճառքի կետեր Երևանում և մարզերում,
• Գործակալները և վաճառքի կետերը Ձեզանից որ ավել, քան 5 կմ հեռավորության վրա,
• Տրանսպորտային միջոցների ապահովագրության հնարավորություն` մինչև համապատասխան մարմիններում հաշվառման կանգնելը,
• Ապահովագրական դեպքերի թափանցիկ քննարկում Ձեր գործակալի ներկայությամբ,
• Ապահովագրական հատուցումների կրճատված ժամկետներ՝ առավելագույնը 5 օր բոլոր փաստաթղթերը ներկայացնելուց հետո,
• Ծառայությունների և խոստումների կատարման երաշխիք՝ գումարի վերադարձ:

Հավելյալ տեղեկատվություն.

• Բոնուս-Մալուս համակարգ
• Համաձայնեցված հայտարարգիր
• Ոչ ստանդարտ իրավիճակներում ապահովագրական հատուցման հաշվարկման օրինակներ
• ԱՊՊԱ պայմանագրի վաղաժամկետ դադարեցման և լուծման դեպքերն ու պայմանները